قرأت تصريحات المفوّه عدنان عبدالصمد والفاظه البذيئة في خطابه الموجه لامريكا ووزير خارجيتها، وبعد ما فضفض وطلّع كل اللي في قلبه من مسبات قذرة .. استوقفني وصفـــه لوزيرة الخارجية كونداليسا رايس بال "عانس" الاخ
q8i in disguise
ما قصر في مدونة ساحة الصفاة وبين الكثير ولكن حسيت ان هالموضوع يستحق ان نقف عنده ثواني ومراجعة تصرفات واسلوب تفكير البعض في موضوع يخص شريحة من اهالينا ومعارفنا نكن لهم كل احترام وتقدير
رجعت افكر في كلمة العانس ومعايرة العانس بعنوستها واعتبار عنوستها عيب وعار عليها!!! فليفهم بان قرار المرأة في تأجيلها للزواج حتى سن متأخر لانها ما لقت نصها الثاني او حتى العزوف كليا.. اشرف مليون مرة من ان تهان على يد واحد "منحط" ووتكون ضحية له ولاشكاله بس عشان لا المجتمع ينظر لها نظرة مختلفة... عليهم بالعافية خل ينظر المجتمع وطوايف المجتمع بأي نظرة كانت، ولكن الاهم "وهذا اللي غفل عنه سيد الرميثية" أن المرأة ما تنازلت عن كرامتها كرمال عيون.. المجتمع ويكفيها فخر بانها ما وافقت على اقترانها باي انسان لمجرد كلام ناس، ومو اي ناس.. ناس حوووش .. لان الناس السنعة اتقدر قرار المرأة وتحترمه في عدم اقترانها "بحيّ الله انسان" بس عشان اتسد حلوج الاوادم
ومثل ما اذكرت القبس في ردها على تهم السيّد.. يعني حتى في الجاهلية ما كان عندهم القاب مثل العانس ومطلقة.. ولا ادخلت علينا هالمسميات الا من الناس اللي ما عندهم الثقة الكافية وبدوا يخترعون مسميات تعكس امراضهم ونظرتهم لبعضهم البعض..
19 comments:
I don't like 3dnan 3abdel9amad.... But i think what he said was really great because Usa deserved more than these words... They're against Lebanon not only by talking... They're supplying everything to Isreal
And hey com'n it was funny :P
وهل اصبحت العنوسه عار !!
تخلف وجهاله لابعد الحدود ,,
..
بعدين هذي شدعوه هامها قال عنها عانس ولا قعد ,, ومن وين طلعت عنوسه بامريكا لول صج مايعرف شي ,,
شر البليه ما يضحك ,,
شكرا لكم لإثارة هذا الموضوع و لأننا في (عازبين بلا حدود)، اشرنا إلى هذا في بندنا الخامس و القائل:
5 – حماية العازب من أي إهانة لفظية أو معنوية، تستهدف حالته الاجتماعية .
فإننا نعتبر كلمة (عانس)، كانت موجهة للرجل أو للمرأة، (رغم أنها لا ترد في مجتمعنا إلا في سياق إهانة المرأة ، و السخرية من حالتها الاجتماعية)، و لأننا نعتبرها من الإهانة اللفظية التي تستوجب التوقيف و التنبيه، ونحن في (عازبيين بلا حدود) نسعى لوقف أي إهانة تستهدف العازبون، من أي الجنسين فإننا ندعوكم، لمساندتنا في إنهاء تداول هذه الكلمة، و محاربتها إذ تستهدف التجريح في العازب، و محاولة الضغط عليه باتجاه الزواج القسري .
شاكرين لكم تفاعلكم مرة أخرى، و نتمنى تعاون مستقبلي يهدف إلى تفعيل هذه المنظمة .
ZiZoTiMe
بتصريحه هذا، فاد المجتمع بشي؟؟
كل الدنيا عارفه ولاء امريكا لاسرائيل .. السب والبذاءة اللي سمعنا اياها مو حل. بس غثّ الناس في بذائته وفي اطنازته من الانسانة اللي ما حصلها الزواج او ما تبي اتزوج
3afoor
ماني قايل شي بس اكيد وصل لج مسج.. مجلس الستينات ;) ومجلس اليوم
الله كريم
balqees
والله يا بلقيس الشرهه مو عليه .. الشرهه على اللي المفروض يجعمه ويوقفه عند حده، بس سامحيني.. رياييل ماكو
هذا اللي اقدر اقوله
Princess
هههههه.. على قووولتج، شكو العنوسة بالسياسة ؟؟؟ هذا يدل لج انه دوّر دور ما لقى شي .. قام يعايرها بأمورها الخاصة .. شكوووو
ترى هذا يعكس مستوى ناخبينه.. ينجحون انسان جذيه؟ لا اسلوب لا منطق لا طقن.. الشرهه على هيك ناخبين
R7eeq
ايه اشحسبالج لوول .. الله يعلم بحال كونداليسا الحين .. تلطم من تصريحه
عازبون
انا وياكم قلبا وقالبا
هاهااههااهااهاا
مو منه من الحره
والله كان فى مثل ودى اقوله بس قلت عيب
بس اللى شسمة اخو شسمه
وافهم عاد :)
واعذرنى لانهم بالنسبة لى كل واحد يغنى على ليلاه واحد يغنى على الوتر الايرانى والثانية تطبل بالدنبك الامريكى واحنا مثل المساطيل بالنص
السلام عليكم .....
بصراحة احييك على المدنة الجميلة جدا بمواضيعها وزوارها ..
استمتعت بزيارتي
موفق
lawyer
اي مو اهو عضو معاهم
عساه بهالحال واردى
mishari
اي والله صاج.. لا والله ماني حول مشاعرهم، يهد يهدددهم بس اقول عيب يمشي ويتلفض بحجي ما يثمنه.. كبيرة بحق مجتمعنا.. ويهمني صراحة ان هالدرووو ما يصير سفيه -مو عشانه- بس عشان الموقع اللي يتكلم من خلاله
bo_sale7
وعليكم السلام والرحمة
ياهلا اخوي بوصالح، مشكوور طال عمرك
الله والنبي يحيييك..
تشرفنا بمروكم جميعا
ممثلي الشعب وخصوصا المخضرمين منهم لازم يكونوا قدوة
لكن واضح ان حزب الله الكويتي فقد عقله
اعتقد قط كلمة عانس وما يعرف حتى شنو معناها
:)
لاتنسون النائب اللي كان قبله "السيء" من قبله ونهجهه السوقي بالمجلس ايضاً
عاجل
اعجبتني (حزب الله الكويتي ) الله لا اييب هاليوووم
حسام بن ضرار
اي والله تصدددددق
اشفيها هالدائرررررررة.. هذا اللي ماشي سوقه عندهم ؟؟؟
ما سمعت اشقال السيد عدنان ولا حتى حظرتك حطيت لينك نقدر نرجع له في حالة القرائه لأن لكل انسان نظرته ..سواء في القراءه او الكتابه ...وهذا مو عدم ثقه فيك ابدا ..
النقطه الاخرى ..العانس باللغه تطلق على الريال او المره اللي تأخر زواجهم لكن اللي صار الحين ان بس تطلق على المرأه وكأنها مسبه ..
وفوق هذا ..العنوسه لا هو شي عيب ولا حرام..
عنوسه افضل من زواج فاشل وطلاق وعيال مهيتيين بالشوارع ..
او من مجابل ريال يغث ويصير مثل الحارج على الجبد
والله احسن ...
عتيجة
هذا الرابط
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=192419&searchText=سيد%20عدنان%20عبدالصمد
بالاضافة لاستياء عدد من الكتاب
انا كل اللي يهمني في الموضوع ان الشخص العادي لازم يثمن كلامه .. فالاولى في عضو مجلس تشريعي بان يتحاشى اسلوب الشارع ويتحاشى حركات الطنازة والمعاير ويحترم الذوق العام
نوابنا الحمدالله والشكر بعضهم يعانون من تصحر في الثقافة وعبالهم فخر يصرحون عن جهلهم
عندكم عانس مسبة ؟ يالله ضحكوا عليها وعيبوا لين اتملون بس بتظل اهي تحل وتربط وتضحك عليكم على طول
لندني خل اقولك شغله
مااستغربت هالكلام من سيد عدنان لان معروف عنه عصبيته وتقطط الحجي
للعلم انا احترم جدا هالريال لانه مايخاف من احد و لان ينتمي لكتلة العمل الشعبي المعروف عنها مواقفها الوطنية ولكن تصريح مثل هذا وبالكلمات هذي المفروض مايطلع من شخص بمكانه
tweety
تصحر في الثقافة قلنا ميخالف.. بس هم في الادب .. هذي اللي اشوية اوفر
وعلى قولتج، اهي بتظل اهي تحل وتربط وبالنهاية محد سمع "وانغث" من صوته غير اهل ال 25 دائرة
sOulvOice
سوول العفو .. بس بهالحالة هل نعطي كل واحد عصبي ويقط حجي العذر وانقوله يبا محد يكلمك .. لانك مشلوط وعصبي ؟؟
ياريت يحطون حد لاستهتار اعضاء مجلسنا ويفعلون العقوبة على كل من يقل ادبه باي شكل كان.. سواء كان بالفعل مثل دميثير/الراشد.. او بالتلفظ مثل سيدالقلاف/فيصل المسلم او بالتعدي مثل سعدون حماد/الدكتور المصري ..
والامثلة تطول ..بس نبي حددد يوقف عنده العضو ويقيم تصرفه والفاظه قبل لا يدش في المحظور
لا لا اكيددددد هذا مو مبرر يخليه يصرح بهالاسلوب الشوارعي ولكن مجرد معلومة معروفة عنه
احتررامي لمواقفه شي وتذمري من اسلوبه شي ثاني
على طاري العقوبات
انت شوف شلون اوصلووالمجلس وبتعرف شكثر القانون مطبق بحذافيره ://
خلها على الله
sOulvOice
على قولتج .. اللي يغض النظر عن طريقة وصول الاعضاء للمجلس .. طبيعي بيغض النظر عن (مخالفات) الاعضاء
Post a Comment