من وين ياييـــن ؟؟

من وين ياييـــن ؟؟



ملاحظين سلوكيات بعض الشباب ؟؟ سلوكيات غريبة علينا حييييييييييييل

وبعيدة عن اللي ربينا عليه.. شنو ومنو وليش هالشي يصير عندنا ؟؟ محد

يجهل الفئة المقصودة بكلامي لانها واضحة وضوح الشمس .. الفئة الدايخة

مارة على اغلبكم .. انا اقدّر شي اسمه شطانه وطبيعي الشطانة تاخذ حقها في عمر أي

انسان.. لكن ما توصل للمواصيل اللي انشوفها اليوم.. وشطانة الاوليين كانت أسنع ألفففف مرة من شطانة بعض بهايم هالوقت.. اببساطة لانها تخلوا من اي قلة حيا وتعدّي على حريات الآخرين.. وكان فيها تقدير لشي اسمه الذوق العام

.

وايد امثلة مارة عليكم بس بذكر امثلة صج تضايق وتخلي الواحد منا يسأل نفسه ..

مثل لمن ينزل واحد من سيارته في الاشارة ويرقص !!!! شنو يعني ؟؟؟ اي فرحة هذي اللي تستاهل انك اتسمخر نفسك جذيه ؟؟

.

ولا اللي يمر بسيكل ويوقف عند سيارة بنات ويأشر لهم ويتمسخر

جدام الله وخلقه!! يعني حتى لو البنات اخفاف، انت يا صبي شلون تهون على نفسك وتفصخ الحيا جدام الله وخلقه؟؟؟ زين لو احد يعرفك ولا يعرف اهلك ؟ عادي عندك لي هالدرجة ؟؟؟

ولا واحد على قولة الاخ The Simper ..

يطشر ماي من الجت سكي على مطعم لونتر !! يعني في نظره انه مسخر الناس اللي في المطعم مثلا ؟؟ وهو بالصج ما مسخر غير نفسه

.

ولا اللي يزفوون رفيجهم المعرس .. هذول عاد اللي هلاقه صحححح.. يسدون لك الشارع بدون ادني إعتبار لظروف الناس بحجة فرحتهم في صاحبهم .. مادري منو عاد .. اجلح املح مو ويه هالفرحة بس ما عليه .. زين واللي عنده حالة طارئة شنقوله ؟؟ طقاق يطقك ؟؟؟ ونجبره على مشاركتهم الفرحة غصب؟؟ ابتداء من اللطعه اللي مالها سالفة مرورا بفترة الاستعراض والتشفط ولين ما اتخلص طقوسهم. كل مرة ابلعها وأسكت بس ذاك اليوم مادري شالي ياني وخلاني اسأل واحد من ربع المعرس ساد الشارع اهو وربعه، قلت له: يرضيك الحين واحد ورانا عنده حالة طارئة ومو قادر يطوف ؟؟؟ طبعا رد علي رد واحد ما عنده اجابة (والله مادررري شقولك) الشاهد يوم طالت اللطعة وطافت الربع

ساعة.. بطلت الدريشة وقلته له .. بهالليلة المباركة عسى الله لا يوفقه جانه مستانس على هالمسخرة.. طبعا حده منصدم. بالنهاية .. من انلووم ؟؟

هل انلوم البيت اللي تربى فيه ؟؟ ولا انلوم جيناتهم؟ ولا شنو بالضبط ؟؟

يعني مو كل شي شرررطة .. في اوقات الشرطة مو موجودة .من زززززززينهم عااااد !! بس صج في اوقات الشرطة يالله من فضلك مو موجووودة .. فشنو الوضع يعني .. خلاص اتصير سبهلله ؟؟

ولي باجر اقوووول .. من وين يايــــــــين ؟!؟

مبارك عليكم الشهر

تعودونـه مع كل من يعز عليكم

وكل عام وانتم بخير

Internet Explorer 7

So far..

إمتيــاززز مع مرتبة الشرف

Internet Explorer 7

ضريبة التحديث

xXxX B e t a xXxX

هذي الطفاقة وما اتسوي

Unfortunately, you cannot post a comment on a non-beta blog or claim a mobile blog using your Google Account. These features are coming soon.

يعني محد يقدر يشارك عندي ولا اقدر اشارك عند احد على ما يخلصون التعديلات، اخذنا مقلب عالفاضي

عموما، ، راح استمر افضفض وانزل مواضيع بما انه الخيار المتاح والوحيد

واشووفكم بعد شهرين

واتمنى لكم رمضان ممتع

ومبارك عليكم الشهر مقدما

وعيدكم مبارررك وكل عام وانتم بخير

الله يعودكم على امثاله بصحة وعافية

طلقة تحذرية في سماء الكويت

رسالة من رواد الديوانية لكل زوجة بايعة ريلها

ترى تزهلق البنات للاستقبالات والعروووس ما يتقارررن في تزهلقهم للـ ........ >> البعل ، او البعل المقرود

بمعنى آخر .. ليش البنات يتزقرتوووون بالساعات من العصر لي العشا عشان .. العرررس

ولي بغت اتزقرت حق الفقيرر ررررريلها ... ما غيررر ال .. تس تس .. !!!!
(تس تس>> رشة كلونيه)

..شنو يعني

مستخسرررين اللانكوم عالرررّيــل؟؟؟؟

ترميمات

تحــــت الإنشــــاء