07/11/2006

عامل و.. مطارة

Photobucket
الساعة كانت وحدة بعد الظهر، يوم مشمس من ايام شهر اغسطس وحرارة اكثر من عاليه، وأثناء انتظارنا لزحمة الإشارة، يعبر أمامي عامل شايل مطارة ماي على جتفه يبي يترسها ماي بارد ويرجع لربعه في القسيمة ...
المشهد عادي

بديت أتفكر بالنعمة اللي انا فيها مقارنة بهالعامل اللي مر امامي .. يعني ما كان من الممكن ووارد أن اكون أنــــا اللي شايل هالمطارة بدل ما يكون اهو اللي شايلها ؟؟؟
ويكون اهو اللي قاعد في سيارتي بدال ما انا اللي اكون.. مثلا ؟؟
حيل وارد ومو بعيدة .. لكن مشيئة الله وحده هي اللي جعلت
جيناتي "تخلق" في هذا البلد بدلا من أن تخلق في.. سوهاج او بنغلاديش او بورما
هذي بحد ذاتها .. مو نعمة ؟؟؟ بعدها بدت عمليات الفووكس على النعم
اللي الله انعم علينا فيها وبديت احمد ربي واشكره، على ان
خلقني على فطرة الاسلام
وأن خلقني.. عربي
وأن خلقني.. خليجي
وأن خلقني.. كووويتي
وجعل انتمائي لهالعائلة
وما وقف تسلسل افكارري الا
صوووت نشاز نقززززني من مكاني
كان .. هررن السيارة اللي وراي
اهني تذكرررت العامل .. تلفت يمين ويسار ادوره
لا شفت العامل ولا شفت مطارته
ولكني لمست نعمة من نعم الله علي
في موقف بسيط وسريع
ما يحتاج الا كثرة حمد ، وكثرة شكر
ربي لك الحمد كما ينغى لجلال وجهك .. وعظيم سلطانك

39 comments:

Anonymous said...

والله صح كلامك انا لمه أشووف جذيه يعوروون قلبى وبالحرر ولا ماكو معاش ولا شى :)))
لو احنا جان طلبنا بدل شمس بس شمسناا موشمسسس الله يعينهم مساكين والله الواحد يحمد ربه ألف مره على النعمه اللى بعضنا كلش موحااس فيها ويتفققوون
ويعطيك العافيه على احساسك المرهف

ReLaaaX said...

اي والله الحمدلله على كل نعمة ربي انعم فيها علينا



الله ياجرهم .. ويقولك أول او أكثر أهل الجنه من المساكين .. فسبحانك ياربي حكيم بتقسيم الارزاق



وفقرهم سبب في ان غيرهم يساعدونهم بتحسين وضعهم اللي اهما فيه .. باختصار لو ما اختلاف الناس بالارزاق جان محد حس بالثاني !!؟ وننسى شي اسمه تكافل اجتماعي :)




ماقول غير عسى الله ياجرهم ويصبرهم .. ويرحمنا وياهم

me said...

mashalla 3laike...7amd el ni3ma ezeedha winshalla alah ezeedik..

p.s the pic is coooooooooooooool ;)

LonDonY said...

pop_cornaaa

الله يعافيج تسلمين
بالضبططط .. مو حاسين فيها لا ويتفـقـقون .. جنه هالنعمة مسجلة باسمنا .. وحق مكتسب مافيه نقاش
وبالصج .. اهي نعمه من الله انعم علينا فيها واختارنا لها .. مو المفروض على الاقل انتأمل ونحس ونذكر انفسنا بانها نعمة..




kitty

ياهلا كيتي .. يمسيج بالخيرر
اي والله لهينا رمضان وعيد .. بس داش بقوة .. خبرج، هددة حصن
;p
والله ما اقول غير الله يديم عليج هالقلب الطيب ..
ولا بشنو الله حافظنا وحافظ هالبلد الطيب غير بقلوب اهله وافعالهم وحسهم الطيب؟؟





ReLaaaX

والله صدقتي
انا مو عن شي ولا اقول ليش الله خله الفقاره فقاره .. بس همني اني اشكر الله على الوضع اللي خلانا فيه .. تدرين على سلبيات الكويت وسلبيات المجتمع الا ان الكل يغبط هالبلد ؟
ما اقولج دول عربية .. شأكثر من شوو اوبر وينفري وبتصويت من ثلاث دول لصالح الكويت في مقابلتها مع بنت الصباح .. زينه الصباح

والله نعممممه ما اتمنى شي غير ان الله يديمها علينا وعلى الاجيال القادمة

LonDonY said...

me

'o ezeeedich men fathlaah inshallah
eeeh heheh .. thakaratnee bel 3amel elee mar 3alay
:)

sOulvOice said...

test

sOulvOice said...

صورة اوريجينال خالص :D


لندني حتة الخيال وتقمص الشخصيات زايده عندي شووي فدايما تلقاني احط نفسي بمكان الآخرين ايا كانووو


عامل - فراش -ممثل -متسول -مليوونيرر واعقد مقارنات بين وضعي الحالي ووضعهم ووالحمدلله ألقى المقارنة دائما تصب بصالحي


حلو الاحساس بالغير لان يساعدك تتفهم ظرووفهم وانبطل النفخة الجذابة على اللي اقل منا لمجرد ان الظروووف اخدمتنا وحطتنا بالموقع اللي احنا فيه ولما اشوف العالم شلون يتعاملون مع الجنسيات الثانية من منطلق انا الكويتي وصاحب السلطة يظيق خلقي ي ي ي لان انت عارف النظرة الدوونية من قبل ربعنا فمادري مو شطارة نستعرض عضلاتنا على اللي اضعف منا


سوري عريت على جزئية المعاملة بس لان شي انشوفه كل يوم وله ارتباط بمراكز القوى والضعف بالمجتمع




مرسو عاللفتة الانسانية

Mamloo7a Q8ia said...

والله يا لندني انا دايما اقول حق العيال هالكلام لما اشوف العمال المساكين يشتغلون في الشمس حمدوا ربكم وشكروه في كل وقت انكم ما صرتوا مثل حالته
ولما يبدون يتذمرون وما يعجبهم العجب اذكرهم في هالمساكين علشان يتذكرون نعم الله عليهم
وفعلا الانسان نساي ويحتاج بين فتره وفتره التذكير بنعم الله عليه

LonDonY said...

sOulvOice

قلتي الكلمة اللي قاعد ادورها
>>>نفخة جذابة لمجرد ان الظروف اخدمتنا<<<
بالضبططط
اوكي .. الحين الله عطانا وعطانا بس مشكلتنا
ننسسسسى .. ونصدق من خلال ردود افعالنا بان احنا من اكتسب هالنعم.. بجهده، وبالصج لا كتسبناها
ولا بذلنا المجهود اللي يقابل مثل هالكم من النعم
فلا انصدق روحنا ووووايد ..
امر الله والظروف هم من خدمنا
ورزنا وعزنا ولا شي اكثر من هذا





Mamloo7a Q8ia

عفيه عليج .. واطق لج تحية على هالتصرف
ضروري يفهمون هالامر عشان يعرفون قيمته ويفهمون ان الله عزهم ورفع مستواهم المعيشي عن باجي الشعوب
لا ناخذ هالـ
upgrade
اللي احنا فيه على انه حق مكتسب

والله يا مملوحه عشنا بره وشفنا وقارنا
لين عيزنا .. ياناس الكويت واهلها الله منعم عليهم ومكرمها كررررم ما صاررر
مثال .. بلغاريا مشهورة بأجبانها ..
يصدرون ويبيعون الجبن الابيض لدول العالم
تدرين انهم ما ياكلونه لانهم ما يقدرون
علي سعررره ؟؟
احنا اييينا في ديرتنا ونشتريه بارخص الاثمان .. فاكهة لبنان ، وايد اصناف ما يقدرون يشترونها >> تصديرررررررر على طول .. يوصلنا اهني
بارخص الاثمان .. !! اللي يحر .. نشتريه
ويخيس ولا احد ياكله .. الله لا يعاقبنا بس


لازم انفهم هالجيل واهالينا شنو يعني .. نعمه .. وشنو لازم يقابلها


تسلمووون :)

the tooth.fairy said...

معبرة حقا

خلاني افكر بمعاناتي اليومية

بس جد .. كل يوم احمد ربي

ممممممممممم

الكويتي الحر said...

كلامك في متمه

النعم يبيلها حمد وشكر
والحمدلله على نعمة الاسلام والصحة والامن والامان ورغد العيش

Dakhtour said...

9ej kalamek 3jeeb o 100% ture

9ej 1000 el 7amdellah 3ala hal ne3ma ely e7na feha o allah layghayer 3ala el jmee3 o enshalah e3aweth hal mesaken bel denya wela akhra wel same3 egol ameen :)

kuwaitia said...

اي والله صح كلامك الحمدالله على هالنعهمه الي احنا عايشين فيها نعمة الاسلام ونعمة انا احنا كويتيين الله لا يغير علينا

LonDonY said...

B u t t e r f l y

الحمدلله.. بتررر انتي بس شوفي اللي انزل واقل منج وبتعرفين قيمة اللي عندج
على قولة واحد من الشياب .. كل ما قالوا له: شلونك؟؟ قال احسن من اللي اردى مني .. لوول


الكويتي الحر

سورة الاعراف (10) - "ولقد مكنكم في الأرض وجعلنا لكم فيها معيش قليلا
ما تشكرون" وفعلا لو اي انسان يشوف اوضاعنا .. يحس بان الله مكنّ لنا في الارض وحبانا بنعم مالها اول ولا آخر .. بس انتمنى نكون عكس الموصوفين في الآية: (قليلا ما تشكرون) ونزيد من الشكر والثناء لله سبحانه على هاللي احنا فيه ولا ننسى مع غفلة الدنيا


ZiZoTiMe

ameeeen ameeeen
'o allah ezeedkom men fathlah gool ameen bas :)



kuwaitia


حمددلله .. الله يديييمها علينا جميعا بصحة وعافيييه .. امين






يعطيييكم العافيه

tweety said...

يه يه اشهالصورة يا لندني عجييييييييبة صراحة

معاك حق مهم انتحمد ربنا على الصحة وعلى انه الواحد قادر يعيش وهو مستور
الله يعينهم هالعمال خاصة اللي اييبونهم ويقطونهم بالشوارع وينسون انهم يمكن وراهم قبيلة بتعيش
حرام والله اللعب والاستهتار بمصائر الناس وارزاقهم

Nora said...

نحتاج ملاحظة هالتفاصيل البسيطة

لو نلاحظها بنكون أسعد الناس
!

انا تذبحني المقارنات بيني و بين اللي اقل حظ مني

من الخدم .. العمال .. اللي عند الاشارات


يهزني حيل طاري تبديل المواقع
انا مكانها او مكانه

فاااا بلحظتها من يتزاولي المشهد
يروح اللي فيني كله .. جانه كبر على مووقة

جانه هااا ضيقة خلق على غير سنع

الحمدالله الحمدالله الحمدالله
على كل شي و على كل حال

barrak said...

فأما بنعمة ربك فحدث

احساس راقي انعكاسات الموقف تمخض منه حمدا وشكرا لله

سالفة قلب said...

موضوع رائع مؤثر

عرض بسيط لكن وقعه في القلب وايد

كبير


تأثير الموقف والتمعن فيه

ممكن يكون اكبر من تأثير خطب ودروس


اللهم مااصبح بي من نعمه او بأحد من

خلقك فمنك وحدك لاشريك لك

من قال هذا الدعاء في الصباح والمساء

فقد أدى شكر يومه



شكرا لك لندني

LonDonY said...

tweety


اشرايج فيييه ؟؟؟
7addah create :)

تويتي كل الشعوب اتحمد على الصحة والعافيه واحنا مثلهم .. لكن فوق الصحة والعافيه هالخيرر اللي احنا فيه
طبعا في عندنا ناس عايشين بالفقر ما انقول لأ وعارف ان فيه ناس عندها مشاكل مالية لدرجة كبير بس بالنهاية قادرين ياكلون.. حتى لو خبز وجبن
فكنسبة وتناسب، المعدل العام اكثررر من ممتاززز
ما عندنا احد مو لاقي ياكل .. مثلا
ما عندنا احد مو لاقي يسكن..
لا هوم لس ولا غيره
ماكو شي من هذا في .. الكويت
لكن في البلدان الثانيه .. ايي اووف

الحمدلله على كل حال


a7La eNG


ذكرتيني بواحد من الشياب
كل ما اسألوه .. شلووونك ؟؟
قال: احسن من اللي اردى منّي

على عاميتها وبساطتها الا
ان فيها حكمه جميلة

وصاجه هالنوع من المقارنات ينسسسف
اي شعووور بالموقه او الكبر
والله راحمنا بهالشعور لان من
زاوية ثانية، اللي في قلبه
ذررة كبر.. ما يشم ريحة الجنة

اللهم اعنا على ذكرك وشكــرك وحسن عبادتك



barrak

مشكور على الآية
حاولت افهمها اكثر في صفحات التفسير
ولقيت معاني أجمل وأعمق من موضوعي
منها حديث الشعبي عن النعمان بن بشير
قال: قال النبي صلى الله عليه
وسلم: من لم يشكو القليل , لم يشكر الكثير ومن لم يشكر الناس , لم يشكر الله, والتحدث بالنعم شكر, وتركه كفر,
والجماعة رحمة, والفرقة عذاب.
"

مشكور طال عمرك





سالفة قلب


أخجلتينا يا سالفة عسى عمرج طويل

بس كنت ابي اوصل فكرة كوننا كويتيين الله انعم علينا بنعم راقية ما كانت تحصيل حاصل ولا هي من محض الصدفة .. ولكن الله سبحانه خصـنا بهالمستوى الراقي من النعم وعشان جذيه، اشوف ان احنا ملزومين بان نخــص الله سبحانه "بشكر" اكثر من العادي يناسب او يكون قريب على الاقل من الخير اللي احنا فيه، اشكرج






والله اشكركم من كل قلبي.. اثريتونا في أرآكم كنت احاتي ان اكون مبالغ في شعوري وافكاري ... مشكورين جميعا

A pedestrian said...

this is a response not to this specific post but to your other post "lessons in life" Question: why can't we comment on the post? whatever your posting is absolutely beautiful. I thought I just say that.

sOulvOice said...

قلبي على قلب الاخ اللي فوق من مدة وانا ودي اقولك عن

lessons of life


ترى وااااايد حلوة اختياراتك فيه

جنه سجل ادبي وحتى لو مافيه فرصة للتعليق ولكن كافي الاستمتاع بقراءتهم

sOulvOice said...

الاخ=الاخت

albandry said...

يبا انرد الاغنية مرة ثانية ماهقيت اتقطعنا اذا شلنا الاغنية ترا ما نقدر عالبعد

واشتقنا

مو زين جذي القطاعة

Anonymous said...

ألف الحمــــداللــــــــه

شيء جميل أنك تتذكر نعم الله في مواقف بسيطة كتلك .. وإن كان لهذا معنى فشيء أكيد أنه يعني أنك إنسان مؤمن وطاهر القلب

الله يبارك لك و يوفقك

ويجعل لكل من يسيء معاملة هؤلاء المستضعفين المغتربين أن يعيد النظر في معاملته وليتخيل أنه مكانه .. فهذه تكفي

الله يزيد ويبارك لنا أجمعين

حسام بن ضرار said...

ربي لك الحمد
ربي لك الحمد
ربي لك الحمد

enter-q8 said...

الحمدلله حتى العامل هذا اخوي لندني يقول الحمدلله

يعني النعم اللي نعيش فيها فعلا مو حاسينها

ولكن تستغل من قبل بعض الساسه

ما ابي اطلع بره الموضوع لا تطلعني بره المدونه

لكن يبقى الاهم اشلون نحافظ على هالنعم

تحياتي

Hassan Q Al Qallaf said...

مرحبا

الله يا لندني

الله على المشاعر و الأحاسيس
و فعلا اذا ما حسينه فيهم و ما شكرنا و حمدنا على النعمة اللي حنا فيها
ما يندرى شنو بيكون تاليها
تصدق العمال اللي أحيانا بالجمعيات يدزونلك العربانة أو بالمطار او حتى سوق السمج .. في ناس تستخسر اطلع .. النص دينار حق هالعامل
انزين الربع هم يؤدي الغرض!! ماكو
على الأقل يشتغل و ما يسلم عليك نفاق مثل بعضهم
بس هم معذورين لأن معاشاتهم تصل أقل من ال 20 د.ك
و شوفة عيني بحكم شغلتي
لا و اللي يزيد الطين بله ان المعاشات تصرف شكليا و لا يقبضون المغلوبين على أمرهم إلا اذا صارت هيصة بالديرة و ممنوع اتييب بنغالية
و مادري منو اعتصام امسوين .. الخ

الحمدلله على كل حال

و شكرا مرة أخرى على البوست الرائع

Strong Wind said...

عبر عن رأيك بالبلوقرز ادخل هنا
http://dirty-wind.blogspot.com/

lawyer said...

ترا انا صرت بس ادخل الصبح اشوف الصوره الي فوق تشرح القلب


بانتظار بوست يديد

ReLaaaX said...

mmmm


7 DaYs Left ;p

wetkammel 1 month !



:) يالله وين يور نيو بوست ؟

tasty_as_berry said...

فعلا أمور كثيره لو نظرت لها لأدركت أن مشاكلك لا تذكر ..

وأنها بالواقع ليست مشاكل ..!!

لديك نعمه كبيره تتحلى بها وهي الشعور بالغير والاحساس بهم :)

الحمد الله على كل حال ..

يعطيك العافيه ،،،

layal said...

احنا بنعمه لا نعرف قدرها
تلاقي الفقير اكثر شخص يقول الحمد لله
والغني اكثر شخص يشكو الحال
وناس علي قد ما تملك دايم كلمتهم ما عندنا
المثل يقول
ما شاف مصيبه غيره هانة عليه مصيبته

3ateeja said...

توني قاعده ادعي هالدعوه والله
ولاتنسى ان الله سبحانه مقسم الارزاق والمال مال الله وهو مقسمه بين عباده
بعداله فالله سبحانه وتعالا العدل لذى فرض الزكاة واستحب الصدقات ...وجعل لها اجر عظيما
وحمدالله عالعافيه

الاء سعود المجيبل said...

سبحاااان الله ....هذا تذكير من الله عشان تذكره وتحمده ...:)

tweety said...

!!!!
وينك مختفي !؟؟؟
عسى المانع خير

سالفة قلب said...

كل عام وانت بخير
عيدك مبارك

Яeema said...

عيدكم مبارك وكل عام وانتوا بخير بمناسبه الاعياد التالية:-
عيد الاضحي المبارك:)
راس السنه الميلادية:)
راس صدام حسين:)

ToFFeY said...

الحمدالله على النعمه اللي احنا فيها

موضوع رائع اخوي

5roofa said...

9aa7 elsanek
el7amdela 3ala el ne3ma ele e7na feha :D