06/10/2006

بساطة

Photobucket - Video and Image Hosting
***
تمنيت أعيش حياة بسيطة بكل ما تحمله الكلمة من معنى
حياة ما فيها اي صورة من صور المظاهر اللي احنا فيها
سواء كانت وظيفة أو نسب أو وجاهة و غيرها من مظاهر
كل شي نبي انتباهى فيه.. ليش، شالسبب ؟؟
تمنيت بساطة اهل الريف الامريكي
وبساطة اهل القرى في ماليزيا
وغيرهم وغيرهم من اماكن
هل اهي من زوود النعمة ؟؟
ليش ما عندنا هالبساطة ؟؟
اتمنى هالبساطة .. وإشتقت لبساطة الأوليين
***

28 comments:

albandry said...

bang bang
اللله انا اول وحدة

ما الومك خوييي صراحة انا سافرت مراكش المغرب قمة في البدائية وترجع 15 سنة الى ورا من تكنلوجيا وسوق وعقلية الناس والتعامل والترفييه

لدرجة ليلحين عندهم هذا اللي يحازي الناس ويقصلم قصص لا وفي ناس وايد متكودة وفاجة حلجهم مندمجيين

لكنها امتع رحلة في حياتي وكان ودي اقعد اكثر انشلعت شلاع

ولكن في نفس الوقت ماراح تقدر تطول في هالعالم

شوف فيلم
the village
نفس فكرة اللي تبيه نوعا ما

سالفة قلب said...

ماكو اروع من البساطه



الصورة حدها عجيبة

وايد يوم شفتها حسيت بالهدوء

tweety said...

me 2 wallah
اذا لقيت هالمكان قولي عنه خل اروح له

Bed0uin said...

الــــــــــلــــــــــه يا سلام على الهدوء وراحة النفس والبساطه اللي ماكو احلي منها الصوره خيااااااااااااااااااااااااااااااال =)

take me with you!!

sologa-bologa said...

البساطة في نفس الانسان
كل ما تعاملت مع الدنيا ببساطة راح تلقى البساطة

وعلى قولة حبيبتي صبوحة الشحرورة

ع البساطة البساطة
يا عيني ع البساطة
غديني جبنة وزيتونة
وتعشيني بطاطا

sOulvOice said...

اتفق مع سلووقا بلوقا




متى ما تعاملت ببساطة مع محيطي وجوي وطبقت البساطة بحياتي بدوون اهتمام لكلام الناس وانطباعهم اهني بلقى الحياة اللي ابيها

مشكلتنا حجي الناس امسير حياتنا على غير هوانا وامخلينا انعقد الامور بس عشان نرضي الاخرين


البسيط المتواضع يسموونه هتلي وهيلقي ماتقولي من وين بنشوف رقعة ويه البساطة://



اشكثر كنت احاتي الناس لما افكر اشتري قاري واشكثر كنت احاتي العالم شيقولون اذا شافوني قاعده عالبحر برووحي

لين يه اليووم اللي انفجرت من كثر ما احسب حساب الناس ,,

اللي يبي حياة اهو اللي يخلقها ماينتظرها

يمكن عريت شووي على جوانب ثانية بس تيار الموضوع جرفني :D


مشكوور

mashi_97 said...

أي والله يازين البساطه
الدنيا صارت معقده،غير أنك تحسب للناس ونظراتهم حساب
من جد يازين البساطه

Dakhtour said...

el basa6ah 7elwa o akel ahalna gbel kanaw 3aysheen a7la 3eesha bs law kent eb thech el ayam... 9adegny kent ra7 tetmana hal 3esha... el ensan 6ama3 eb 6ab3a :)

KQ8 said...

أعتقد يا عزيزي ان ما تتمناه هو راحة البال والاسترخاء
..

مشي حالك حالك يمشي..خلك مري وعلى نياتك ولا تترس قلبك بحقد وحسد وتمنى الخير للي جدامك ..ترتاح..واترك عنك اللي يقولنه الناس وشيبون يسون دام انك ماشي صح..

هالديره اللي بيسمع فيها كلام الناس بيتعب

layal said...

اتصدق هذي الكلمه وايد ارددها
ودي اعيش بكوخ حواليه سهول ومزارع
بساطه وراحه نفسيه بعيد عن هم المدن والتحضر المزعوم
بس اتهقى انتوب عن البحر ؟؟

PearL said...

الشعور بالبساطة وايد حلو
يحسسني بالحرية
احس اني قاعدة اطير

ياريت والله
ياريت نعيش بالبساطة اللي تقول عنها

Anonymous said...

بلوقك حلو
بس الخلفية السودة مع الخط الابيض يبط العين
وبعدين ليش ماتضيف بلوقك حق صفاة؟

barrak said...

فعلا نظرت لتلك الصوره لدقيقه وشعرت بالراحه فما بالك اذا كانت تلك الصوره لها مكان هنا
شكرا

ReLaaaX said...

حلوة عيشة قبل .. ومن فوائدها علمتهم الصبر + المسؤولية + تعاونهم وحبهم الخير حق بعض .. اشيا نفقدها بهالوقت


بس من سلبياتها : صعوووبة عيشتهم .. يعني بالنسبة لي لو كنت مولوده بذاك الوقت مادري شلون راح اعيش !!!؟ او اتكيف معاهم :)


والحمدلله على كل حال

Anonymous said...

yes indeed, me too want to live simple, with no studies, essays, exams and so on....hhhhhhhh, 1 can only dream, hehehe

kuwaitia said...

كلشي بسيط حلو

الفراشة said...

الله ياحلو المكان

ياحلو البساطه المناظر الحلوه شفتها في ماليزيا

وفي الريف في النمسا تصدق

كنا نقوم مبكر مو مثل هنيه يالله نقوم
ومالنا خلق

شاكره لك

العين الساهرة said...

إيه والله، يا حلو البساطة في العيش والعمل والحياة، لكن وين في بعض المواقف مضطر تساير الركب، الله المستعان

Bed0uin said...

خووووووووش لوك والله!! =)

Anonymous said...

حوار مع الشيعة والصوفية

LonDonY said...

albandry


الحين شوقتينا على الفيلم وعلى المغرب
والله يبيله مراكش.. بس شكلها درب

الفتت انتباهي جملة:
==================
ولكن في نفس الوقت ما راح تقدر تطول في هالعالم
==================

هل قصدج لاني عشت في عالم متقدم نسبيا
فما راح أتأقلم على الحياة البسيطة؟

شوقتيني على الفيلم .. بس عسى
Joaquin Phoenix
مو نحيس كالعادة ؟؟


سالفة قلب

الف عافيه .. ما الومج تشرح الصدر
بس شنسوي جارفنا تيار المظاهر يا سالفة، نبيها ولا ما نبيها .. شكلنا مجبورين انساير :/



tweety

يا ريت كانت صعوبة اتخاذ القرار بقدر صعوبة .. صكة الجنطة
الله كرريم


Bed0uin

الله يهنيييهم
ee off why not ;p


sologa-bologa

اي صاج تقدر بس تصير مختلف عن المجتمع
وفي ناس (وانا شكلي اولهم) بحط المجتمع عالميوووت
وبسوي الشي اللي مقتنع فيه وبغض النظر عن نظرة المجتمع
والله يخلي الشحرووورة
ما طقت جبدها من الدنيا ؟؟



sOulvOice

الحين تأكد لي بأن "رضى الناس والمجتمع .. غاية لا تدرك" 100 بالميه

LonDonY said...

mashi_97

عنوان سلوكي القادم..

رضى الناس غاية لا تدرك
و
من راقب الناس مات هما

جم مرة بنعيش احنا ؟؟؟
وشستفدنا من حجي الناس ؟؟؟



ZiZoTiMe

i don't know doc .. you may be right on this as the old saying goes like:
The Grass On The OtherSide Is Always Greener ??
i trully wish to live simple life till we get over with this sitcome.. or
this life.


Krakatoa

كركاتو .. وحياتك امصفى القلب ومتمني الخير لغيري وادري بغير هالشي ما راح اقدر اعيش
بس القصد مثل ما تفضلت .. كلام ونظرة الناس .. اهي اللي امتعبة الجميع


layal

كوخ وحواليه سهول ومزارع
ذكرتيني في مشاهد جميلة بلبنان
كنت اغبطهم على الراحة النفسية اللي اهم فيها
على صعوبة المعيشة .. نسبيا الا انها كانت حياة هادية وبسيطة.. وجميييلة
ما فهمت نقطة.. البحر؟


pop_cornaaa

الله يعافيج
احس ان حياتنا المعقدة اشبه ما تكون
بامرأة متواضعة الجمال
ولكنها غطت عيوبها بالميك أب
بعكس المرأة الجميلة اصلا
الغنية عن اي صبغات..اصطناعية



PearL

ياريت والله
احس وقتها ممكن يكون للحياة طعم



Anonymous

عيونك الحلوة .. غيرت الالوان وانشاء الله تكون اخف عالعين


barrak

جعل حياتك أجمممل وأجمممل
قول آمين



JOAN OF ARC

مشكورة عسى الله يبارك لج في حياتج
تعريفك للبساطة هو الاجمل
فعلا .. صدق وحرية مع الذات قبل الغير
شرفتينا ياجوان


ReLaaaX

ريلاكس .. سبل المعيشة اختلفت بدون شك
ولكن اقصد الله حباهم في بساطة تمنيت لو انها
موجودة في زمنا هذا
الحمدلله على كل حال


Anonymous

Don't worry dear, as you now see graduatation's day in telescope and far away.. but soon after & before u knew it, you'll see

that same day in telescope .. but on the other side around!



kuwaitia

صدقتي



الفراشة

ما اقول الا الله يهنيهم عالبساطة
اغلب هالشعوب مو حاسة انها عايشة في نعمة
الا لمن يجربون الحياة في الدول الثانية


العين الساهرة

مساير الركب ..
عفس حياتنا يالعين


Bed0uin

تسلمييين
من ذوووقج




تذكررت.. توم-أند-جيري يوم يطلع جيري من البيت ويروووح نيووويورك .. آآآآآخر بهددددله




وشكـــــررراً

اقولها من القلب..

لجميع الزوار

layal said...

قصدي ممكن نترك البحر ونعيش بالسهول؟؟
ومعروف عنا من نتضايق نروح البحر
يمكن لو ارتحنا نفسينا ما نحتاج روحت البحر

LonDonY said...

layal

اي والله صدقتي .. البحرر يغسل الجبددد ويرد الروووح
في مناطق عالبحر وعيشتها بسيطة .. وفيه مناطق على السهل ويمها بحيرات
بس عن نفسي.. صج ما احس اني اقدر استغني عن شي اسمه.. بحررر

Anonymous said...

Anonymous

عيونك الحلوة .. غيرت الالوان وانشاء الله تكون اخف عالعين
==============

EXCELLENT! THANK YOU :)

9ahba'a said...

احلى عيشة بس وين؟

me said...

hi there..i read most of the comments and they were all n favor of the simple life but i think its just talk..none of them is willing to live without a mobile a tv and so and so...talk is nice but most of the time is nt real...

cheers :)

LonDonY said...

Anonymous

Most Welcome,



kitty

تسلمين .. ااااحب اي شي فيه ريحة الماي
وعساني بس اركد على الديزاين
:p



والله هالشي علينا كلنا يا كيتي .. مادري شنو اهو .. مرض ولا شنوو .. ومحد عارف شلون يحل مشاكله مع هالمزامط على قولتج


9ahba'a

ليش ما انصك اجناطنا وانهههههههج ؟

:)


me

Dear me .. i don't care about the facilities we have today as much as the "low profile" kind'a life we're wishing for.. technology.. A/C .. Cars .. Baots.. & even Internet access.. would not obstruct the "simpicity" I'm looking for.

you could have all of the techno. mentioned above & still enjoy a clean, simple low profile kind of life. that's what attract me most.

cheers,