28/09/2006

من وين ياييـــن ؟؟


من وين ياييـــن ؟؟

Photobucket - Video and Image Hosting

ملاحظين سلوكيات بعض الشباب ؟؟ سلوكيات غريبة علينا حييييييييييييل
وبعيدة عن اللي ربينا عليه.. شنو ومنو وليش هالشي يصير عندنا ؟؟ محد
يجهل الفئة المقصودة بكلامي لانها واضحة وضوح الشمس .. الفئة الدايخة
مارة على اغلبكم .. انا اقدّر شي اسمه شطانه وطبيعي الشطانة تاخذ حقها في عمر أي
انسان.. لكن ما توصل للمواصيل اللي انشوفها اليوم.. وشطانة الاوليين كانت أسنع ألفففف مرة من شطانة بعض بهايم هالوقت.. اببساطة لانها تخلوا من اي قلة حيا وتعدّي على حريات الآخرين.. وكان فيها تقدير لشي اسمه الذوق العام
.
وايد امثلة مارة عليكم بس بذكر امثلة صج تضايق وتخلي الواحد منا يسأل نفسه ..
مثل لمن ينزل واحد من سيارته في الاشارة ويرقص !!!! شنو يعني ؟؟؟ اي فرحة هذي اللي تستاهل انك اتسمخر نفسك جذيه ؟؟
.
ولا اللي يمر بسيكل ويوقف عند سيارة بنات ويأشر لهم ويتمسخر
جدام الله وخلقه!! يعني حتى لو البنات اخفاف، انت يا صبي شلون تهون على نفسك وتفصخ الحيا جدام الله وخلقه؟؟؟ زين لو احد يعرفك ولا يعرف اهلك ؟ عادي عندك لي هالدرجة ؟؟؟
ولا واحد على قولة الاخ The Simper ..
يطشر ماي من الجت سكي على مطعم لونتر !! يعني في نظره انه مسخر الناس اللي في المطعم مثلا ؟؟ وهو بالصج ما مسخر غير نفسه
.
ولا اللي يزفوون رفيجهم المعرس .. هذول عاد اللي هلاقه صحححح.. يسدون لك الشارع بدون ادني إعتبار لظروف الناس بحجة فرحتهم في صاحبهم .. مادري منو عاد .. اجلح املح مو ويه هالفرحة بس ما عليه .. زين واللي عنده حالة طارئة شنقوله ؟؟ طقاق يطقك ؟؟؟ ونجبره على مشاركتهم الفرحة غصب؟؟ ابتداء من اللطعه اللي مالها سالفة مرورا بفترة الاستعراض والتشفط ولين ما اتخلص طقوسهم. كل مرة ابلعها وأسكت بس ذاك اليوم مادري شالي ياني وخلاني اسأل واحد من ربع المعرس ساد الشارع اهو وربعه، قلت له: يرضيك الحين واحد ورانا عنده حالة طارئة ومو قادر يطوف ؟؟؟ طبعا رد علي رد واحد ما عنده اجابة (والله مادررري شقولك) الشاهد يوم طالت اللطعة وطافت الربع
ساعة.. بطلت الدريشة وقلته له .. بهالليلة المباركة عسى الله لا يوفقه جانه مستانس على هالمسخرة.. طبعا حده منصدم. بالنهاية .. من انلووم ؟؟
هل انلوم البيت اللي تربى فيه ؟؟ ولا انلوم جيناتهم؟ ولا شنو بالضبط ؟؟
يعني مو كل شي شرررطة .. في اوقات الشرطة مو موجودة .من زززززززينهم عااااد !! بس صج في اوقات الشرطة يالله من فضلك مو موجووودة .. فشنو الوضع يعني .. خلاص اتصير سبهلله ؟؟
ولي باجر اقوووول .. من وين يايــــــــين ؟!؟

24 comments:

حسام بن ضرار said...

هل انلوم البيت اللي تربى فيه ؟؟ ولا انلوم جيناتهم؟ ولا شنو بالضبط ؟؟
-------------------------


تلوم البيت اللي تربى فيه
بعدين تلومه لأن الله خلق له عقل المفروض يميز فيه الصح من الغلط



وتبي تشوف المينن صج؟
ما بقى إلا خمس اشهر على مسيرات الوطني


الله يستر عالديرة

tweety said...

بعد انت قلتها الهلاقة اشلون صايرة خضرا والا حمرا
انا جدام عيني شايفه شباب عطلوا السير عشان يضايقون بنات ولما السيارة اللي وراهم هم كان فيها بنات عصبوا لأنهم بيعدون قاموا شلة الظيم ولحقوهم وبغوا يكسرون المنظرة وصرخوا عليهم وتفلوا ومشوا ( وانتوا بكرامة ) تخيل المنظر !!! والله كان شي ايفشل ويخوف بنفس الوقت صج احنا وين قاعدين ! هذيله ناس ماتربوا خير شر بس العتب مو عليهم على هالنماين اللي رشحوا روحهم عشان يتوسطون حق هالهيلق والهتلية في دولة مافيها قانون يحترم للأسف

kitty said...

والله يا لندنى انا عندى هذول ناس مو سويين وانا قلت هالكلام فى بوست سمبر عن هالموضوع

لو سوى ما يسوى جذى
فى وشه اكيد موطبيعى
اهى قفيف وشعور طايره واهى صراويل طالعه من الجينز يعنى كوول
اى مو لالالايق مو كل شى يتقلد
وهالترقص بالمناسبات
على السلاسل المدندله من الرقبه

وسالف العرس هههه حدك مشتط فيها مبين مضايقتك وايد لندنى ههههه
صاج وايد مبالغ بالشى الزفه الى الدوانيه كلها تطلع مالها داعى صاج :)

bOnaViita said...

eee walla ma'saaat !!!

kil wa7ed w beee'ta illy taraba feeha aw iseer infected mn his friends ..
and most of 'em just have simple minds ;p
alah ishafeeehum wala yeblana

sologa-bologa said...

تبي الصج يا لندني
ما احمل الشباب الا جزء صغير من العتب واللوم
والجزء الاكبر احمله الاسرة والمجتمع
لان الشاب ما لقى اللي يفهمه ويوضح له طريجه
وحتى اذا كان في احد يفهمه لكنه يشوف الواقع وينصدم

هالقضية تحتاج الى مزيد من البحث
لان الخلل مو بالشباب بروحهم
هو خلل في المجتمع ككل
خلل في نفوس البشر
خلل في عقلية الناس
واذا كان الخلل في كل هالامور
فما بالك في الشباب اللي يبحث عن مثل اعلى لكنه لا يجده


ودمت سالما

Krakatoa said...

اللوم على الاثنين الاشره والشاب نفسه..الاسره لنها ماسنعت هالولد ولا هالبنت وعلمته ان فيه شي اسمه هلاقة وقلة حيا وسنع وفيه شي اسمه غشمره بريئه..فييه شي اسمه كرامتك على راسك وفيه شي اسمه عرض ويهك ومعاه كرامتك

اما الشاب نفسه فعلى ربعه اللي يرافجهم انكانو سنعين تسنع وياهم وان كانو هيلق ومجعره راح يصير مثلهم

PearL said...

موضوع وايد حلوو
انت ما تقدر تلوم الا الاهل
لان الاهل اهمه الاساس

العين الساهرة said...

إيه والله ، الواحد عاف الطلعة بسبب هالنماين من الناس، وين ما تروخ تلاقى شباب مسخرة، لا يقدرون لا كبير ولا صغير ، حتى الأم اللى ماشيه مع عيالها يتحرشون فيها ، ولا يمسحون على راس عيالها ولا يقرصون خدهم، يعنى شتبون تضحك لكم وتعزمكم على بارد؟ للأسف كل جيل قاعد ينحط أكثر من اللى قبله، والله يحفظنا

سالفة قلب said...

مساك الله بالخير

كنت انا ورفيجتي بالسيارة وواقفين بالاشارة ويتسلط عليناواحد بيده قلم ليزر

ويقعد يوجهه علينا .ويحطه بعيونا طول الطريج وعلى هالحاله

هذا شنو اتسميه؟؟

kitty said...

سالفة قلب :

لوووووووووول
ههههههههه اشهالحاله
ما قلتيلى هالسالفه
مصخره والله ما يستحون

sOulvOice said...

"انت يا صبي شلون تهون على نفسك وتفصخ الحيا جدام الله وخلقه؟؟؟ زين لو احد يعرفك ولا يعرف اهلك ؟ عادي عندك لي "
"هالدرجة ؟؟؟



المجتمع اهو اللي عطه الشباب الحق بوايد شغلات خارجه عن الاعراف بحجة ان ريال شايل عيبه ووحده منهم هالنقطة اللي تفضلت فيها فوق

يتحرش ببنات خلق الله يقولك شطانة شباب خل يستانس

ونفس التصرف من بنت تطلع قليلة ادب مو مومتربية


الازوداجية بالتعامل اهي اللي اخلقت حس الاستهتار عند بعض الشباب



اما سالفة زفة المعرررس يعني شنوو انطر لين الاخ اللطيف يخلص تقحيص بالشارع وتخيل لندني وين كان يستعرض؟؟

اجبال المخفر!! لا من شرطتنا ولا منهم

قمة اللامبالاة



مشكور عالملاحظات:))

Enter-Q8 said...

لندني الصراحه ما ادري ليش تسال

يعني جيل بو مية فلس و دبلها

جيل جفر السعيد
متعمد اقول جفر مو بدلية

شنو تتوقع

والا جيل القرقيعان

والا والا

شنو تبي
اكثر

البيت اللحين شنو يحكم

هذاك قبل انا وياك

لما كنا نخاف من جارنا مو ابونا بعد
لا الجار كنا نستحي منه

اذا كنا رايحيين السوق
نخاف يقول عنا اننا قاعدين نقز و الا والا


يوبا

ولد عمي ضابط مباحث مرات امره زام الليل و اهو بمنطقة جنب منطقتنا و المحقق اللي هناك زميل دراسة

فا مره تكلمنا بهالسوالف

قالي انت ما شفت شي

الاثنين يصرون اننا ما شفنا شي

و اتفقوا على جملة وحده
عن هالجيل

تدري شنهي

يخافون ما يستحون

لاحظ معاي يخافون ما يستحون

يعني قبل احنا عندنا شطانه لكن ما كنا نخاف لكن نستحي

اما هذول لألألألأ

يخاف ولكن ما يستحي

يعني الحل

ما ادري شنو وياهم

وفعلا اتضايق منهم وخصوصا لما يكونوا معاي اهلي

يعني هل انزل اقطع العقال على ظهره

علشان باكر يقول ترى انا اذا سويت جذي يمكن انطق مره ثانية والا شنو


وخصوصا اهل البانشي


مثل ما قالوا

يخافون و مايستحون

LonDonY said...

حسام بن ضرار

اهي نسبية .. البيت يتحمل جزء من المسئولية والباجي على الشخص نفسه
الحين انا وانت وغيرنا .. في امور كثيرة ما تعلمناها من البيت .. مو كل شي البيت
حتى الشارع اللي اهو شارع .. علمنا وايد من الامور .. والرفجة/الصحبة والمدرسة والشارع.. ووايد شغلات غيرها
لكن اهي بالاساس تعود على الشخص نفسه.. وجيناته ومثل ما تفضلت ..
وعلى طاري مسيرات الوطني .. ما يحتاي ننطر خمس اشهر .. اللي كنا نستنكره في ايام
العيد الوطني .. قمنا انشوفه دار مدار السنة ..

الله يستر علينا وعلى الديرة .. شاكر لك مرورك



tweety

!!! اووووف
والله جرررررأة
لا مو جرأة .. وقاااااااحة !
تويتي .. دام الكل مأمن من العقوبة
او بالاحرى عنده اعضاء يطلعونه من اي مشكلة ..
شيحاتي بعدها ؟؟؟؟
خلاص انتفى حاجز الخوف
ما في شي يهمه .. سو اللي اتسويه .. احنا كافلين سلامتك اشمااااااسويت!!!
هذي رسالة الاعضاء للناخبين ..
بس انتخبوني وانا لكم .. اشماسويتوووا

ما اقول الا
لا حول ولا قوة الا بالله
والله شي يضيق الخلق
مشكورررة تويتي




kitty


لا والله ما فيه وشه يا كيتي
تذكرين اللي قطت الجنسية وداستها..
بحجة حقوق المرأة ؟؟؟؟

بالتالي قالوا ان فيها ووووشة ..
وان عقلها مو.. سوووي

انا لا شعوريا قلت .. شي ثاني
وسيده يه على بالي حكمة .. "من أمن العقوبة .. أساء الأدب"
لسبب ..
اهي امأمنه بانها اشماقالت .. بتطلع منها .. لاي سبب كان

والدليل .. شقيقتنا السعودية .. فيها وايد ناس فيهم وشة .. بس
ما يتجرأون .. ليش ؟؟؟

لا انروح بعيد .. خل ناخذ نفس الاخت اللي تجرأت عندنا وانوديها السعودية ..
اتهقين اتجرأ وتقط جنسيتهم واتدوسها ؟؟؟

اخاف بس .. لووووووووول
جني وايد ماخذ راحتي ؟؟ هاهاهاها


لكن ارد واقول .. من امن العقوبة..

تسملين .. :)


bOnaViita

آمين يا رب .. صدقتي ترى ما نقدر نعذر كل واحد لان بيئته دايخة
يعني مي حالة .. نبي قانون يضبط الكل .. اللي بيئته سنعة واللي بيئته اي كلام
ولا اشرايج ؟؟

شاكر لج مرورج




sologa-bologa


انا معاك سلوقا.. المجتمع مو كامل .. الاسرة مو كاملة .. لكن هذا حال الدنيا
ماكو شي كامل امكمل .. بس المجتمع لازم يفرض هيبته.. ويعزز مبدأ القانون.
ومبدأ الثواب والعقاب .. وتالي شوف هالي ما يفهم .. وقتها راح يفهم .. والكشرة من اهني لي اهني

شاكر لك مرورك

LonDonY said...

Krakatoa


بالضبط.. بس العامل بالنهاية .. القانوووون
تذكر هيبة الشرطة قبل الغززوووو ؟؟؟
الدورية بروحها لها هيبــــــــة
كنا نحس بالخوف وبنفس الوقت انحس بالامان .. لكن الحين الوضع تغير
الدورية نفسها دايخة ..
الدورية ما اتعرف الصح من الغلط
اليهال اللي انتحلطم على تصرفاتهم .. صاروا اهم شرطتنا واهم اللي يقومون الامور!!!!!!!
شتوقع من فاقد الشي ؟؟؟
.
.
ولاااااا شي





PearL


بس مثل ما ذكرت .. مو كل شي الاهل
مشكورة بيرررل





العين الساهرة

يالله.. مثل هالسلوك .. شلون ينضبط ؟؟
غير الخيازرررين ماني لاقي جواب
عصبي الولد ههههه
بس صج والله .. اهني قاعدين انتكلم عن شي اسمه ذوووق عام
مو كل شي قضية ومخفر .. ما انخلصصصص

لا اتقاطعين يالعين




سالفة قلب

الله يمسيج بالنووور
والله شي .. يحز بالخاطررر
لكن حمدي ربج ما كان شي مثل اللي اذكرته تويتي .. كسروا جامهم و تعدوا سالفة الليزر لاشياء ثانية
هالشي ما اسميه الا قلة حيا.. اللي ما حشم نفسه ولا حشم عايلته
والله مشكله.. مالج الا الحقران .. شكو اكثر من جذيه
خلاص .. الحيا ومات
مابيدنا شي
شاكر لج مرورج





sOulvOice


صاجه.. سالفة الصبي شايل عيبه .. جنه المجتمع معطيه قرين لايت
بسلوكياته .. سووو اللي اتسووويه .. ما عليك شررر!!! @@
والله ارد واقول .. شي يحزززز بالخاطررر
اذا محنا قادرين انحل مشكلة تافهه مثل هذي في مجتمعنا .. شلون بتكون الاوضاع بعد 10 سنين ؟؟
مشكورة سوول

LonDonY said...

Enter-Q8


اي والله اصدقوووا..
يخافووون ما يستحون
بالضبط هذا اللي انعاني منه
وهذا اللي انشوووفه في جيل هالوووقت
يعني جرأة على غير معنى ..
في العادة الجرأة تصاحبها قلب قوي
لكن اللي انشوفه عكس هالشي
كأنه يقولك .. انا ما استحي .. اشتبي ؟؟
اي اهلي ما ربوووني .. اشتبي ؟؟
عكس اللي اكبروا الحين .. كنا على قولتك
نداري الجاررر .. ونستحي منه

اما الحل على قولتك.. مو معقول كل مرة بشيل عقالي واقطعه على ظهووورهم!!
ولاني مستعد بكل طلعة / موقف انزل والسب
يعني واحد .. اثنين .. ثلاث مواقف .. وبعدين ؟
ماني خالص اذا بمشي على هالحل..

ذكرتني بواحد يسولف مرة .. يقوول انا مع مرتي وعيالي
ولا هالسيكل صف يم سيارة بنات واشكرررره نزل
من سيكله ودخل راسه بسيارة البنت.. وبااااسته!!!!!
ياناس باسسسسسسسسسته!!!
والاردي من جذيه ان وقف يطالع السيايييرر ويأشررررر على
خدددده -انها باسته-!!!! يعني تخيل الموووووقف
يقوووول صاحبي .. انزززززل اقطعععععععععه؟؟؟؟
يقول وتاليها ؟؟؟
ما راح اخلصصصصص.. وراي عشرين اشارة لي البيت ..
هل بتهاوش بكل اشارة ؟؟؟

مشكلة ياناس والله مشكلة
شاكر لك مروورك


Mamloo7a Q8ia said...

والله يا اخوي يا لندني للاسف البيت والاهل لهم دور كبير في اللي قاعدين نشوفه واغلبية هالجيل ما عندهم للاسف المباديء والاخلاق السويه ولا في احد يوقفهم
الاهل يتفاخرون بوقاحة عيالهم واسلوبهم المالق بانها قوة شخصيه وجرأه
اما عاد سالفة العرس والمواكب المصاحبه له وازعاجهم للناس هذا قصه ثانيه.. يعني سادين الطريج وهرنات شنو الوناسه فيها بالضبط ؟؟ ما ني عارفه !!وما يجي للمعرس منها الا الناس تدعي عليه بليلة عرسه
ويقولووووون ليش عندنا نسبة طلاق عاليه ؟؟؟ من هالدعاوي اللي يدعونها عليهم الناس

Nescafé said...

اي والله من ويين يايين.. هذا ان دل فهو يدل على قل السنع والتربيه

بعدين الصح صح والغلط غلط.. والعيب عيب على الكل.. يعني الآدمي عنده عقل والمفروض يكون عارف كل تصرف شنو يعني

الشكوى لله

Fuzzy said...

هالانواع اعدهم تسلية مجانية مضحكة للناس
ههاهاها

ReLaaaX said...

واللي متغربل وبيته بلفة صالة الافراح ؟ :)

والله بدون مبالغة عشان مااتحوشنا الزحمة ندش داخل باركنغ الجمعية .. اشوه انها اتطلع بعد جان قعدنا ننطر الساتول على مايخلص ^_^


الواحد شيقول .. غير الله يصلحهم

3AJEL said...

فهمت قصدك
وأزيد

-------
الفوض ومعاها الهلاقة من وين تجي؟

تراخي في تطبيق القانون
غياب التربية السنعة والقدوة السنعة
التجنيس العشوائي للبرابرة

Bed0uin said...

السالفه ما وقفت على جذي وبس!!!! اللي يغازل وحده مع ريلها او مع ابوووها او اخوووها!!!!!!!! لهدرجه انحطاااااااط وقلت ادب وصلت!!!!
وغير هالشي اللي قاموا يتطنزووون على الاكو والماكو جدام الناس واللي غصب طيب اخذي الرقم!!! واللي يلحق لي البيت!!!!!! يا اخي دام انه حاااقرييينك ليش التلحق لييي البيت!! واللي يطلعووون الارقاام من رقم السياااره وييين الخصووصيه!!! وين الغاريه على البنات!!!! وين الحيا وين التربيه وين الاخــــــــلاق!!!!!!!
يا الــــــــــــــلــــــــــــــه شصار بالدنيا!! وبالاوادم
صحيــــــــــــــــــــــــح اللي اختشوا ماتوا!!! يا رب سترك دنيا وآخره!!

ZiZoTiMe said...

Yayeeeeeeen men el share3 cause hathaila mo metrabeeen o may3arfon y3ny shino tarbeya a9lan so that's y esawoon methel hal ashya2 o 3ndohom enha shy 3ady!

Halagah enta u just said it o allah efokna menhom cause 9ej emfashleeena jedam el nas o ma7soben 3alaina bel dera! 3agaaad :)

LonDonY said...

Mamloo7a Q8ia

شفتي شلوووون !!! يمكن نص حالات الطلاق من دعاوي هالاوادم
على قولتج .. في اهل يتفاخرووون للاسف بس في اهالي لا .. تلقينهم مبتلشششششين بهالعللللل اللي اطلعولهم
فمو الكل مستانس.. بس الرررك كله على >>> ولا في احد يوقفهم <<< اهني الحجي
وان طلع بن حلال يبي يوقفهم.. بتلفون واحد قطوه عالحدود .. الله يرضي جذيه ؟؟؟

الله كرريم، تسسلمييين



Nescafé

لا يتراوالج .. اتصدقين موعارفين !!! لانهم فاقدين الشي اصلا.. شلون انتوقع السنع من ناس ما فيهم ريحة السنع
والشكوى لله
مشكورة


Fuzzy

والله عديناهم تسلية، بس يعني املقت اشوي .. ولا شرايك؟
شرفتنا حياك الله



ReLaaaX

الله يعييينكم ://
احنا بالشارع ومحنا متحملين .. هالدور الهرنات عند البيت!!
الله يصبررر الوالددد لا على يوم يقلب عرسهم فوق حدرر
حياج الله :)


عاجل

اتصدق وايد فكرررررت بسالفت التجنيسسسسس
بس ماودي اظلمهم
لاني متأكد ان فيهم ناس من عيال حمايل بس على ما قلت .. مالقوا من يربيهم
ويعلمهم

حياك الله لا اتقاطع


Bed0uin

والله فارررررررطة بمعنى الكلمممممممة
المشكلة ان صار شي من طرف الابو ولا الريل والاخو كردة فعل .. لامووووووووهم
@@@ !!!
انقلبببببت الموووووازين فوق حدددر

نبي وقفة جادة من الحكوووووومه مثل ما اهم جادين في تحصيل المخالفااااات
لا يمشوووون واسطات في مثل هالقضايا لانها افلتت لابعد الحدوووود.. ويتطبق هالحزم من الراس العوووووود .. ويمشي تالي عالاعضاء الحلوين

وتالي على ضباط الداخلية وغيرهم .. بس خلااااااص الناس بتفووور من هالتسسييييب


شرفتينا .. لا اتقاطعيييين



ZiZoTiMe

bel thaaaab6... ya3nee sej tara 7etaa low almowqeef mo 9ayer lek, laken ham ten7erjjj 'o wedeeeek etsaweee shay >>> wayed nas

san3aa ma tegdar etshooof ay mahzaaalah 'o taskeet .. efashloon .. al mishkilah methel ma gelt inaa mo kelhom 3aqaaaad :/ fehooom 'o feehooom..

sharaftnaa doooc .. laa etga6e3 :)

will said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室