14/09/2006

طلقة تحذرية في سماء الكويت



رسالة من رواد الديوانية لكل زوجة بايعة ريلها

Photobucket - Video and Image Hosting


ترى تزهلق البنات للاستقبالات والعروووس ما يتقارررن في تزهلقهم للـ ........ >> البعل ، او البعل المقرود

بمعنى آخر .. ليش البنات يتزقرتوووون بالساعات من العصر لي العشا عشان .. العرررس

ولي بغت اتزقرت حق الفقيرر ررررريلها ... ما غيررر ال .. تس تس .. !!!!
(تس تس>> رشة كلونيه)

..شنو يعني
مستخسرررين اللانكوم عالرررّيــل؟؟؟؟

6 comments:

sOulvOice said...

ههههه داش بقوة لندني



شوف خل اقولك شغله اعرف وحده تقوولي اتزقرت واتسنع وانطره ردته امناطر اخر شي ايي يحط راسه وينام!!!!

مرة مرتين ثلاث تتكرر نفس السالفة طبيعي المرة بتحس ان اللي قاعده تسويه ماله تقدير بعيون الريل ف تبدي اتبطل هالعادة

فقارى هالبنات قصات وقصوو ..عدسات والبسو ..مكياج ولطخوو كله لعيون هالريل والريل ولاعلى باله لابعضهم حتى مايلاحظون الا اذا اسألته المرة


ادري صعب عالريال ايي ويطلب منها تهتم بنفسها بالشكل اللي اهو يبيه ولكن في طرق ثانية تقدر من خلالها اتنبه الزوجة ان كانت غافلة عن هالنقطة

بعدين اللي يبي مرته اتسنعله خل يبلش بنفسه مو قاعدلي بفنيلة ومكسر ويبيها تكشخله !!

شغله ثانية اتوقع العشرة وطول الحياة الزوجية خلق نوع من التعود بين الزوجين فصار اهتمامها بشكلها اقل بداخل البيت من الخارج واللللله اعلم

tweety said...

والله أؤيد كلام زميلة المهنة والكفاح سول فويس وأثني على كلامها وأقول
رفيجاتي يقولون لي تويتي رياييلنا ما قام يفرق وياهم تزقرتتي والا لأ أصلا ولا يلاحظون تكون قاصة شعرها وصابغته مايدري الا لما تقوله يعني ما يشجعون ان حريمهم يتزهلقون ويغيرون اللوك والا لو الحريم شايفين تشجيع جان ماقالوا لأ اصلا الاهتمام بالنفس شي ممتع للمرأة بس اذا مافي احد يقدر ويهتم بينحبطون , شوفوا اللبنانيين وتعلموا تلقى مرته هولة البين ويقولها يخزي العين شوهالحلا
والموضوع الثاني اهو هم ان الريال لما يطلع يتزهلق وبالبيت يقعد جنه غوريلا كشته ولحيته اللهم يا كافي
رجاءا توصل وجهات النظر حق الدواوين
لووول اهم شي انه اول تعليقين انا وسوسو مو متزوجين اشحقه متليقفين مادري

LonDonY said...

sOulvOice

سوول، مع ان كلامج صح لكن ما نقدر انعمم .. مثل ما الحريم مو واحد .. هم الرياييل، مو واحد ..

انا معاج، في رياييل لا لبس لا شكل يفتح النفس لا شي .. فالمره ما تنلام بهالحالة .. بس انا اتكلم عن رياييل يعرفون الاصول وقبل لا يتوقعون من حريمهم هالشي .. يبدون بنفسهم .. ويهتمون لكن .. مو لاقيين من يقدررر
واكثر من واحد الحين بدا يتلفت يمين ويسار لان في باله ان عيز من التلمح ووصل لقناعة ان الضرب في الميت حرام
وعلى هذا، ما اقدر اعمم على الغالبية

وهم في شغلة مهمة سوول.. ساعات البنت على قولتج اتزهب واتخب روحها وماتدري ان كان ريلها له خاطر ومزاج ولا لأ.. اذا لأ .. قالت .. شفتووووا .. منه اهو اللي ما يقدرر ولا يبين في عينه!!
زين بالله راد من بنيان هلكان ولا راد من طلعة متعبة ؟؟؟

عشان جذيه .. لازم تنطر لين يوصل وتشوفه وضعه يسمح ولا لا .. اذا يسمح .. اتضبط عمرها بو ساعة زمن


tweety

تويتي انتي وزميلة الكفاح على نفس المحاوررر .. واقول لج نفس الشي ان الرياييل والله مو واحد .. في منهم السنع وفي اللي مش حالـك

بعدين هالبناني على قولتج .. ما طاح بالحجي الحلو الا بعد ما شاف من مرررته شي صج يخزي العين .. يعني صح يمكن مو مقطعة الجمال .. بس تصرفاتها واسلوبها مع ريلها يفرض عليه ان يبادلها هالغزززل .. شوفي ليالي الصالحية واتعرفين شقصد

sOulvOice said...

عاشت توييتي :*




لندنييييي


وياك بنقطة اختيار التوقيت المناسب والموضوع اساسه نفسي بحتتتتت يعني شغل مزااااج والمفروض كل طرف يقدر ظروف الثاني

مو كل وحده تتقبل الدقرة ,,طبعا بنظرها اهي دقرة خاصة لو تكررت لامبالاة الزوج كذا مرة فعلا شي يكسر الوحده بس الشاطرة عاد اللي تستوعب مصطلح"جهاد الزووووجة"

لوول داشة حرب ...لاجد ان الوحده تتحمل ملاقة ريلها وتقلب مزاجه وتقتنع ان هذا نصيبها وحبيبها راح تسوي المستحيل,, ليش ما الزوجة تاخذ مسألة تغيير الزوج على انها تحدي؟؟

تحدي بينها وبين نفسها اييب راس ريلي يعني اييبه

اشووف قبل الزواج يقولون اييب راس فلان واخليه يلحقني ولايحبني


ليش استكثر عالريل


سوري بس بنط على نقطة ليالي الصالحية ترى مو كل وحده تتقبل هاللي تقصده؟ لان بنظر بعض الزوجات انه ذل
تدري شغله مرة قريت موضوع محور نقاشه ان هل يالزوجة ممكن اتكريمين "اتحطين كريم "لريول زوجج عقب اتبوسينها...تدري شكان رد الغالبيةةةةةةة من الحريم


يووووولي

نعممممممم انا ابوس ريله؟

يخسييييييي



يبا ريلج ريلج الرسول يقول بما معناه لو امرت المرة تعبد احد فراح أأمرها تعبد ريلها


وللامانة انا اعتقد ان اساس العلاقه الزوجية ومدى نجاحها واستمراريتها يعتمد عالزوجة بالدرجة الاولى


كل هالقرقة بحال اذا كان الزوج سنع والتقصير من المدام
شوفني انا شووي وياكم وشوي ويه الحريم صج ماينعرفلي خخخخ

KQ8 said...

كتبت رد شطوله وانمسح :(

الخلاصة انه المره لازم تعطي اشارة للريل انه هالليله ترى انا بتزهلقلك

مو تطول في الدوانية ولا تاكل من عدة الخيسة اذا كان فيه عشا طايح

خل يعمل حسابة مسبقا

مو تاخذخ على غفله وهو مايدري يلقها متزهبة وحالتها حاله وهو يمكن تعبان جسديا مافيه نشاط

LonDonY said...

sOulvOice

هذا اهو .. لكن انها اتزهلق وهو راد من شووويخ مثلا ؟؟؟ وينه وين.. مستحيل يتأقلم

وصاجه حلو الوحدة اتحدددى نفسها في ريلها .. اترووووضه بذكائها

بعدين على طاري ليالي الصالحية، انتي الله يسامحج ما اخذتي منها الا الشغلة اللي في ذل وخليتي كل شي ثاني ؟؟ ما قلنا اتدددلك اريووولنا .. ندري ما يحصل لنا هههههههه بس نبي اسلووووبهم .. اسلوووووبهم ليش عسسسسل ؟؟؟؟؟؟؟
زين يبا نبي ربع اسلوووبهم .. يصيررر؟؟؟
انزين وشالمشكلة اذا صارت .. كوني له امـة .. يكن لك عبداً ؟؟؟
مو تالي اهو يصير عبددد ويغسسسل جبدها .. فمالاداعي الكبرياء الزايد .. خل اتطيب خاطره عشان تالي يطيب خاطر .. طوووايفها


Krakatoa

عـددل .. لان سالفة المفاجأت ما تصلح .. مو حصان اهوو، الشغلة يبيلها مزاج وعشان المزاج يضبط .. يلمحون له قبل فترة ويجسون النبض لان مشكلة اذا كل شي مرتب وهو مو حاسب حساب شي