26/07/2006

مو بس بروحك



اليوم قاعد اقلب الصور جان اشوف صورة لي قبل 10 سنين، اشوي ولا صورة ثانية قبل 18 سنة .. المهم قعدت اقارن اشوف الصور
.. والاحظ التغيير اللي صار على شكلي وملامحي

اول ثانية حسيت باحباط خفيف ! مادري ليش وايد ناس يحسون بهالاحباط من سالفة السن .. احباط اشمنه مادري .. هل اهو من مقارنة انجازات الشخص مقارنة.. بعمره ؟؟؟
ولا بسبب اختلاف الملامح بس ؟؟ ولا لانه سنوات عمره .. قـلـّت ؟؟
مادررري ولكن شي واحد وخفف الاحباط اللي حاشني.. ان كل عيال جيلي معاي بالصورة .. وكل اصورهم تغيرررت .. ومو انا اللي بروووحي اكبر واهم بعدهم شبــاب .. لو بس انا بروحي اللي من بد جيلي قاعد اكبررر .. جان شلون بيكون احباطــي؟؟؟ ما اقول الا .. الحمــدلله

4 comments:

sOulvOice said...

بالعكس المفروض تستانس هيهيهي

الانسان كلما كبر كلما كانت ملامحه انضج و احلى وجاذبيته تزيد

"طبعا اقصد الكبر الى حد معين"

ولكن حسب كلامك اتوقع الاحباط يالك من نقطة الانجازات وكلنا انحس بهالشي مو بس حضرتك

esTeKaNa said...

حاليا اقوم بحمله لتجميع الصور القديمه
حفاظا واخفاءا لذاك الماضي المجيد
:pP~
.
.
علامنا يا اخيي ما كشخونا وودونا هالمصورين اللي يقلب الجيكرة حلوة؟
:))
الاحباط طبيعي،المهم يكون وقتي ويدفعك للمزيد من الانجازات

اعجبتني طريقه التفكير:
كل الجيل يكبر
فكرة واقعيه وخفيفه دم
:)

عسى الله يحفظك ويبارك لك بعمرك

LonDonY said...

sOulvOice

والله عاد ودي اوقف عمرري على ال 34 لين ما يخلص شسمه لانه صراحة احلى عُمررر


EsTeKaNa

حلوه سالفة الجرررد
اهم شي حفااااظا لذاك الماضي

احلى شي لمن الام اتحلها على ولدها .. اتقلبه ابنيّه يعني زين :// الشعر يكتكت والحالة حالة

sOulvOice said...

:p يالانغليزي


ان يينا بنقيم نفسيتك ف ثق تمام انها تنافس نفسية ولد العشرين


مرسوو